A ტიპის ინსპექტირების ორგანოGAC-IB-0299
სამშენებლო ინსპექტირების სრული ციკლი
ვახორციელებთ მშენებლობის ტექნიკურ ზედამხედველობას, პროექტებისა და ხარჯთაღრიცხვების ინსპექტირებას, შესრულებული სამუშაოების აქტების — ფორმა №2-ის ინსპექტირებასა და შენობა-ნაგებობების ტექნიკური მდგომარეობის კვლევას.
ხარისხის დამოუკიდებელი შეფასება და ხარჯების კონტროლი — დასაბუთებული დასკვნებით.
- აკრედიტაციის მოწმობა
- GAC-IB-0299
- ორგანოს ტიპი
- A ტიპიდამოუკიდებელი მესამე მხარე
- სტანდარტი
- ISO/IEC 17020სსტ · 2012/2013
- მოქმედების ვადა
- 10.07.2024 — 10.07.2028ILAC-MRA აღიარება
ნდობის საფუძველი
დამოუკიდებლობა არ არის დეკლარაცია —
ის ორგანოს ტიპით არის განსაზღვრული
AUDITESCORT არის A ტიპის ინსპექტირების ორგანო. იმ ობიექტზე, რომელსაც ვამოწმებთ, არ ვმონაწილეობთ დაპროექტებაში, მშენებლობაში, მასალების მიწოდებაში ან ექსპლუატაციაში.
დამოუკიდებლობა
არ ვართ იმ ობიექტის დამპროექტებელი, მშენებლობის შემსრულებელი, მომწოდებელი ან მესაკუთრე, რომლის ინსპექტირებასაც ვახორციელებთ.
მიუკერძოებლობა
ინსპექტირების ანგარიში ეფუძნება მხოლოდ ინსპექტირების შედეგებსა და ობიექტურ მტკიცებულებებს. შეფასება თავისუფალია დამკვეთის ინტერესების, კომერციული სარგებლისა და სხვა გარე ზეწოლის გავლენისგან. ყველა ობიექტის შეფასებისას ვხელმძღვანელობთ ერთიანი პრინციპებით და ვმართავთ ინტერესთა კონფლიქტის რისკებს.
კონფიდენციალობა
ინსპექტირებისას მიღებული ინფორმაცია მესამე პირს არ გადაეცემა, გარდა კანონით დადგენილი შემთხვევებისა.
მნიშვნელოვანი განმარტება: ISO/IEC 17020 ადგენს მოთხოვნებს ინსპექტირების ორგანოს კომპეტენტურობის, მიუკერძოებლობისა და თანმიმდევრული საქმიანობის მიმართ. ამ სტანდარტის საფუძველზე აკრედიტაცია ენიჭება ინსპექტირების ორგანოს და არა შენობა-ნაგებობას. იგი არ წარმოადგენს შენობის ტექნიკური უსაფრთხოების სტანდარტს. კონკრეტული ობიექტის შესაბამისობა ფასდება მოქმედი რეგულაციების, სამშენებლო ნორმების, დამტკიცებული პროექტისა და შეთანხმებული ტექნიკური კრიტერიუმების საფუძველზე.
აკრედიტაციის სფერო
აკრედიტაციის სფერო მოიცავს 13 პოზიციას. ჩამონათვალი და პროცედურების კოდები შეესაბამება მოწმობა GAC-IB-0299-ის დანართს (აქტუალიზაცია 10.06.2026).
ხარჯთაღრიცხვა და ღირებულება
ობიექტის ხარჯთაღრიცხვის ინსპექტირება
ხარჯთაღრიცხვის შესაბამისობის შეფასება დადგენილ მოთხოვნებთან, საშუალო საბაზრო ფასებთან და საჭიროების შემთხვევაში პროექტთან.
ფასწარმოქმნის ადეკვატურობის ინსპექტირება
ხარჯთაღრიცხვის შესაბამისობის შეფასება, მათ შორის კონკრეტული მომწოდებლის რესურსებსა და შესაძლებლობებთან.
შესრულებული სამუშაოების ინსპექტირება — ფორმა №2
ობიექტზე შესრულებული სამუშაოების შესაბამისობის შეფასება საპროექტო-სახარჯთაღრიცხვო დოკუმენტაციასთან და ფარულ სამუშაოთა აქტებთან.
ობიექტი
ტექნიკური ზედამხედველობა — ინსპექტირება
ვესწრებით ობიექტის სამშენებლო, სარემონტო, სამონტაჟო, სადემონტაჟო, სარეკონსტრუქციო და სარესტავრაციო სამუშაოების პროცესს და ვაფასებთ შესაბამისობას პროექტთან და დადგენილ მოთხოვნებთან.
ობიექტების ტიპები · ერთი აკრედიტებული პოზიციის ფარგლებში — TA-IP-04-19
04.1შენობა-ნაგებობები
სამშენებლო, სარემონტო, სამონტაჟო, სადემონტაჟო, სარეკონსტრუქციო და სარესტავრაციო სამუშაოები — შენობის ენერგოეფექტურობის შესაბამისობის დადგენის ჩათვლით.
ხიდები და სახიდე გადასასვლელები
სახიდე ნაგებობების სამშენებლო, სარეკონსტრუქციო და სარემონტო სამუშაოების პროცესის ინსპექტირება.
გვირაბები
გვირაბული ნაგებობების სამუშაოების შესაბამისობის შეფასება პროექტთან და დადგენილ მოთხოვნებთან.
ჰიდროტექნიკური ნაგებობები
ჰიდროტექნიკური ნაგებობების სამშენებლო და სარეკონსტრუქციო სამუშაოების ინსპექტირება.
საავტომობილო გზები
საავტომობილო და საერთო სარგებლობის გზების სამუშაოები — გეომეტრიული და სტრუქტურული მოთხოვნების ჩათვლით.
აეროდრომები
აეროდრომული ნაგებობებისა და საფარების სამშენებლო სამუშაოების შესაბამისობის შეფასება.
ელექტროქსელები
ელექტრული ქსელებისა და ელექტროდანადგარების სამონტაჟო სამუშაოები — 1000 ვ-მდე და 1000 ვ-ს ზევით.
საინჟინრო სისტემები
წყალმომარაგების, კანალიზაციის, გათბობა-ვენტილაციისა და სუსტი დენების სისტემების სამონტაჟო სამუშაოები.
ობიექტის ტექნიკური მდგომარეობის ინსპექტირება
არსებული ობიექტის ან მისი ნაწილის მდგომარეობის შესაბამისობის შეფასება, აზომვებითა და ფოტოფიქსაციით.
პროექტი და კვლევები
პროექტის კონსტრუქციული ნაწილი
შენობა-ნაგებობების, ჰიდროტექნიკური ნაგებობების, ხიდების, გვირაბებისა და საავტომობილო გზების კონსტრუქციული ნაწილი.
პროექტის არქიტექტურული ნაწილი
არქიტექტურული ნაწილის შესაბამისობის შეფასება მოქმედ დოკუმენტებთან.
საინჟინრო-გეოლოგიური კვლევა
პროექტის საინჟინრო-გეოლოგიური კვლევის/დასკვნის შესაბამისობის შეფასება.
საინჟინრო-ჰიდროლოგიური კვლევა
საინჟინრო-ჰიდროლოგიური კვლევის/დასკვნის შესაბამისობის დადგენა ტექნიკურ დავალებასთან.
საინჟინრო ქსელები — ელმომარაგება
ელმომარაგების სისტემები 1000 ვ-მდე და 1000 ვ-ს ზევით, მათი ტექნოლოგიური ნაწილით.
საინჟინრო ქსელები — სუსტი დენები
სუსტი დენების სისტემები და მათი ტექნოლოგიური ნაწილი.
საინჟინრო ქსელები — წყალი და კანალიზაცია
წყალმომარაგება, კანალიზაცია, წყალარინება და მათი ტექნოლოგიური ნაწილი.
საინჟინრო ქსელები — გათბობა და ვენტილაცია
ვენტილაცია, კონდიცირება, გათბობა და მათი ტექნოლოგიური ნაწილი.
ინსპექტირება მშენებლობის სხვადასხვა ეტაპზე
ეტაპი 01
მშენებლობის დაწყებამდე
პროექტისა და ხარჯთაღრიცხვის შესაბამისობის შეფასება, ფასწარმოქმნის ადეკვატურობის შემოწმება. შეუსაბამობა ვლინდება სამუშაოს დაწყებამდე.
ეტაპი 02
მიმდინარეობისას
სამუშაოების შესაბამისობის ინსპექტირება, მოცულობებისა და ეტაპების შემოწმება, მტკიცებულებების დოკუმენტირება.
ეტაპი 03
დასრულებისას
შეთანხმებული მოცულობით საბოლოო შემოწმება: შესრულებული სამუშაოები და შესაბამისი დოკუმენტაცია.
ინსპექტირების ორგანო არ იღებს ადმინისტრაციულ გადაწყვეტილებას და არ გასცემს მშენებლობის ნებართვას ან ექსპლუატაციაში მიღების აქტს. შედეგი არის დოკუმენტირებული ანგარიში, რომელსაც დამკვეთი იყენებს უფლებამოსილ ორგანოსთან ურთიერთობისას.
კანონმდებლობა
ვის ევალება ინსპექტირება
ეს ჩვენი შეთავაზება არ არის — ის კანონმდებლობით არის დადგენილი.
I და II კლასის შენობა-ნაგებობის მშენებლობის ნებართვის მფლობელს შეუძლია ინსპექტირება დაუკვეთოს აკრედიტებულ ორგანოს — ეს მისი არჩევანია.
III და IV კლასის შენობა-ნაგებობის მშენებლობის ნებართვის მფლობელი ვალდებულია ინსპექტირება დაუკვეთოს აკრედიტებულ ინსპექტირების ორგანოს ან სერტიფიცირებულ ექსპერტს ხელშეკრულების საფუძველზე.
საქართველოს სივრცის დაგეგმარების, არქიტექტურული და სამშენებლო საქმიანობის კოდექსი, მუხლი 119. საეტაპო ოქმის დადგენილი წესით წარუდგენლობა, ამავე კოდექსის 123-ე მუხლის თანახმად, ადმინისტრაციული წარმოების დაწყების საფუძველია.
დროის არჩევა
თქვენი საჭიროება — ჩვენი ჩართულობა
გამოავლინეთ ხარვეზები, სანამ ისინი პრობლემად იქცევა და შექმენით საიმედო შედეგის საფუძველი.
- მშენებლობის დაწყებამდე
პროექტისა და ბიუჯეტის გადასამოწმებლად.
- სამუშაოების მიმდინარეობისას
ხარვეზების დაფარვამდე გამოსავლენად.
- ანგარიშსწორებამდე
შესრულებული მოცულობებისა და ღირებულების შესამოწმებლად.
- შეძენამდე ან მიღება-ჩაბარებამდე
ობიექტის მდგომარეობის შესაფასებლად.
- რეკონსტრუქციის წინ ან დაზიანების აღმოჩენისას
შემდგომი მოქმედებების დასაგეგმად.
პორტფელი
უწყვეტი აკრედიტაცია 2016 წლიდან
ასობით ობიექტი — საცხოვრებელი, კომერციული და საინჟინრო ნაგებობები.
კონფიდენციალურობა
ინფორმაციის კონფიდენციალურობა დაცულია ISO/IEC 17020 სტანდარტის მოთხოვნების შესაბამისად.
პროცესი
როგორ მიმდინარეობს ინსპექტირება
01
განაცხადი
აზუსტებთ ობიექტს, ეტაპს და საჭიროებას. ვსვამთ დამაზუსტებელ კითხვებს.
02
დოკუმენტების განხილვა
განვიხილავთ დოკუმენტაციას, ვთანხმდებით მოცულობასა და შეფასების კრიტერიუმებზე, ფორმდება ხელშეკრულება.
03
ინსპექტირება
შემოწმება შეთანხმებული მეთოდებით — დოკუმენტურად და ადგილზე. ვაგროვებთ მტკიცებულებებს.
04
ანგარიშგება
რა შემოწმდა, რა მეთოდით, რა გამოვლინდა და რა შეზღუდვები ახლავს შეფასებას.
აკრედიტაციის სფეროს გარეთ
სხვა მიმართულება
ქვემოთ მითითებული მომსახურება არ არის ინსპექტირება და არ ხორციელდება ISO/IEC 17020 აკრედიტაციის ფარგლებში.
რატომ არის გამიჯნული
- აკრედიტაციის მოწმობა GAC-IB-0299 ფარავს მხოლოდ სამშენებლო ინსპექტირების მიმართულებებს — შეფასება მასში არ შედის.
- შეფასება რეგულირდება სხვა წესებით და მისი შედეგი ინსპექტირების დასკვნა არ არის.
- ერთსა და იმავე ობიექტზე ინსპექტირებისა და შეფასების ერთდროულად გაწევამდე ფასდება ინტერესთა კონფლიქტის რისკი; საჭიროების შემთხვევაში მომსახურებები მიჯნავს სხვადასხვა შემსრულებელს.
შეფასება
ქონებისა და ქონებრივი უფლებების ღირებულების განსაზღვრა.
- უძრავი ქონება
- მოძრავი ქონება
- ბიზნესი, აქციები, წილები
- ზიანის შეფასება
შემფასებლის სერტიფიკაცია დასადასტურებელია
კონტაქტი
დაგვიკავშირდით
თქვენი ობიექტის ინსპექტირებისთვის, ხარისხი იწყება სწორი გადაწყვეტილებით.
დაზოგეთ დრო — შეავსეთ განაცხადი ონლაინ.
- მისამართი
- ქ. თბილისი, ალექსანდრე ყაზბეგის
გამზირი 14ა, მე-3 სართული - ტელეფონი
- +995 599 81 87 87
- ელ. ფოსტა
- [email protected]
- იურიდიული სახელწოდება
- შპს „თი აი ეი ჯი აუდიტესკორტი“
- საიდენტიფიკაციო კოდი
- 205229439
- აკრედიტაციის მოწმობა
- GAC-IB-0299