აკრედიტაციის სფერო · ინსპექტირება
ტექნიკური ზედამხედველობა და სამშენებლო ინსპექტირება
აკონტროლეთ ხარისხი მშენებლობის ყველა ეტაპზე.
მიიღეთ დოკუმენტირებული ინფორმაცია შესრულებული სამუშაოების შესაბამისობაზე. ვამოწმებთ სამუშაოებს პროექტთან და მოქმედ მოთხოვნებთან მიმართებით, ვაფიქსირებთ გამოვლენილ შეუსაბამობებს და წარმოგიდგენთ შეფასების შედეგებს.
- აკრედიტაციის მოწმობა
- GAC-IB-0299
- ორგანოს ტიპი
- A ტიპი
- სტანდარტი
- სსტ ISO/IEC 17020:2012/2013
- ძალაშია
- 10.07.2028-მდე
01 · შემოწმების საგანი
რას ვამოწმებთ
ვესწრებით ობიექტის სამშენებლო, სარემონტო, სამონტაჟო, სადემონტაჟო, სარეკონსტრუქციო და სარესტავრაციო სამუშაოების პროცესს და ვაფასებთ მის შესაბამისობას საპროექტო-სახარჯთაღრიცხვო დოკუმენტაციასთან ან/და დადგენილ მოთხოვნებთან. ასევე ვადგენთ შენობების, მათი ნაწილების ან ელემენტების ენერგოეფექტურობის შესაბამისობას პროექტთან.
ტექნიკური ზედამხედველობა სავალდებულოა.
საერთო წესით ნებაყოფლობითია — გეხმარებათ ხარვეზების დროულად აღმოჩენასა და გადაკეთების ხარჯების შემცირებაში.
სამართლებრივი საფუძველი — სივრცის დაგეგმარების, არქიტექტურული და სამშენებლო საქმიანობის კოდექსის 119-ე მუხლი. მაცნე ↗ კონკრეტული ობიექტისთვის პირობები უნდა შემოწმდეს მოქმედ რედაქციაში.
| მიმართულება | შემოწმების საგანი |
|---|---|
| შესაბამისობა პროექტთან | შესრულებული კონსტრუქციული და სხვა სამუშაოების შესაბამისობა დამტკიცებულ საპროექტო დოკუმენტაციასთან |
| ნორმატიული შესაბამისობა | შესაბამისობა მოქმედ სამშენებლო ნორმებთან და ტექნიკურ რეგლამენტებთან |
| მოცულობები | ფაქტობრივად შესრულებული სამუშაოების მოცულობა წარდგენილ დოკუმენტაციასთან მიმართებით |
| მასალების დოკუმენტაცია | თანმხლები დოკუმენტების — სერტიფიკატების, გამოცდის ოქმებისა და მიღება-ჩაბარების ჩანაწერების — შემოწმება. ეს დოკუმენტური შემოწმებაა და არ ანაცვლებს ლაბორატორიულ გამოცდას. |
| ეტაპები | შესაბამისი ეტაპის სამუშაოების შესრულებისა და დადგენილ მოთხოვნებთან შესაბამისობის შეფასება, მომსახურების მოცულობის ფარგლებში |
02 · შედეგი
რას იღებთ შედეგად
ინსპექტირების ანგარიში
- ინსპექტირების საგანი და მომსახურების მოცულობა;
- შეფასების საფუძველი — რომელი პროექტი, ნორმები და მოთხოვნები გამოიყენებოდა;
- გამოყენებული მეთოდები, ვიზიტების თარიღები და შემოწმებული უბნები;
- შესაბამისობის შეფასების შედეგი — სადაც ეს მომსახურების ფარგლებშია გათვალისწინებული;
- გამოვლენილი შეუსაბამობები აღწერითა და მტკიცებულებებით — ფოტოფიქსაცია, გაზომვები, დოკუმენტების ასლები;
- შეფასების შეზღუდვები — რა არ შემოწმებულა და რა მიზეზით;
- უფლებამოსილი პირის დამოწმება.
საჭიროების შემთხვევაში დამატებით ფორმდება ეტაპებთან დაკავშირებული დოკუმენტაცია კანონმდებლობით დადგენილი წესით.
03 · პროცესი
როგორ მიმდინარეობს ინსპექტირება
01
კრიტერიუმების განსაზღვრა
შეფასების კრიტერიუმებს განვსაზღვრავთ მოქმედი მოთხოვნების საფუძველზე და ვათანხმებთ მომსახურების მოცულობას.
02
დოკუმენტური შემოწმება
საპროექტო, ხარჯთაღრიცხვითი და აღმასრულებელი დოკუმენტაციის განხილვა.
03
შემოწმება ობიექტზე
ვიზუალური დათვალიერება და გაზომვები. მტკიცებულებებს ვაფიქსირებთ ფოტოთი და ჩანაწერებით.
04
ანგარიშგება
შედეგების, შეუსაბამობებისა და შეზღუდვების დოკუმენტირება და ანგარიშის გადაცემა.
გეგმური ვიზიტები განისაზღვრება სამუშაოების ეტაპების, რისკებისა და მოქმედი მოთხოვნების გათვალისწინებით. ხარვეზის გამოსწორების შემდგომი შემოწმება ცალკე განისაზღვრება და გეგმურ ვიზიტს არ ანაცვლებს.
04 · ხშირად დასმული კითხვები
სამართლებრივი საფუძველი და ფარგლები
ვის ევალება ინსპექტირების დაკვეთა?
რას ნიშნავს ISO/IEC 17020 და რას არა?
მომსახურების ფარგლები
- ინსპექტირების შედეგი ეფუძნება შეფასების მოცულობას, გამოყენებულ მეთოდებსა და შეგროვებულ მტკიცებულებებს.
- კომპანია არ ასრულებს იმ სამუშაოებს, რომელთა დამოუკიდებელ ინსპექტირებასაც ახორციელებს, და არ მონაწილეობს ობიექტის დაპროექტებაში.
- სავალდებულო მოთხოვნები მომსახურების მოცულობის შეთანხმებით არ იცვლება და არ მცირდება.
- ინსპექტირება არ ნიშნავს წინასწარ დადებით დასკვნას და არ იძლევა ადმინისტრაციული გადაწყვეტილების — მათ შორის ნებართვის ან ექსპლუატაციაში მიღების — გარანტიას.
05 · დაკავშირებული
სხვა მომსახურებები
თითოეული მომსახურების აკრედიტაციის სტატუსი მითითებულია შესაბამის გვერდზე, აკრედიტაციის სფეროს დანართის მიხედვით.
ნორმატიული დოკუმენტები და პროცედურები TA-IP-04-19
- სამშენებლო ნორმები და წესები — СНиП, ნაწილი 3
- სამშენებლო ნორმები და წესები — СНиП, ნაწილი 4
- საქართველოს ტერიტორიაზე სამშენებლო სფეროს მარეგულირებელი ტექნიკური რეგლამენტები — №71 (2014)
- საქართველოს ეროვნული სტანდარტი სსტ 72:2009 — გზები საავტომობილო და საერთო სარგებლობის, გეომეტრიული და სტრუქტურული მოთხოვნები
- ტექნიკური რეგლამენტი „მისაწვდომობის ეროვნული სტანდარტების დამტკიცების თაობაზე“ — №732 (2020)
- ტექნიკური რეგლამენტი — №41 (2016)
- ტექნიკური რეგლამენტი შენობების ენერგოეფექტურობის მინიმალური მოთხოვნების შესახებ — №354 (2021)
- ტექნიკური რეგლამენტი ნაგავსაყრელის მოწყობის, ოპერირების, დახურვისა და შემდგომი მოვლის შესახებ — №421 (2015)
- ელექტროდანადგართა მოწყობის წესები — ПУЭ
- ტექნიკური რეგლამენტი ელექტროსადგურებისა და ქსელების ტექნიკური ექსპლუატაციის წესების შესახებ — №434 (2013)
- ტექნიკური რეგლამენტი ელექტროდანადგარების ექსპლუატაციისას უსაფრთხოების წესების შესახებ — №340 (2013)
- ელექტრული ქსელების ხაზობრივი ნაგებობების დაცვის წესი და დაცვის ზონები — №366 (2013)
- TA-IP-04-19 — ინსპექტირების მეთოდები და პროცედურები
წყარო — აკრედიტაციის სფერო, მოწმობა GAC-IB-0299 (აქტუალიზაცია 10.06.2026). იხილეთ სფერო (PDF) ↗
06 · კონტაქტი
დაგვიკავშირდით
თქვენი ობიექტის ინსპექტირებისთვის, ხარისხი იწყება სწორი გადაწყვეტილებით.
დაზოგეთ დრო — შეავსეთ განაცხადი ონლაინ.
- მისამართი
- ქ. თბილისი, ალექსანდრე ყაზბეგის
გამზირი 14ა, მე-3 სართული - ტელეფონი
- +995 599 81 87 87
- ელ. ფოსტა
- [email protected]
- იურიდიული სახელწოდება
- შპს „თი აი ეი ჯი აუდიტესკორტი“
- საიდენტიფიკაციო კოდი
- 205229439
- აკრედიტაციის მოწმობა
- GAC-IB-0299